PENSAMENTOS : IZIJENTI DIMAS!!!

Nda konta ki hoji em dia no sta mutu iZijenti em relaçom a amor

Qualquer paso em falço:Adeus!

No kata aseita erros di alguem,no kata aseita qualidadis na alguem ki pa nós é difeitos.

No kre pa tudo alguem sta konetadu a nós spetativas ki sta altu dimas.

No kre tudo kel ke perfeitu,iluzorio,no kre sempre kel ke midjor,mesmo ki "midjor" kata pega ko nós vida.

Na verdadi no ta vivi na epoka di intoleransia, falta di paxenxa,ko downloads lento i telemovel fora di redi ou alguem ki kata sigui nos ritmo.

Na meio di problema no ta skesi kal ke essensial,pa relasiona no mesti tempo,toleransia,um bom dozi di paxenxa.

Alguem ka é diskartavel,katem um manual,nem informaçom na rotulo.

Bo kre sabi? Tudo alguem tem se difeito,mas no katem um garatia pa no bai um loja pa trokal, no maximo um bom ombro amigo pa reajustano.

Agoh ntem um pergunta: Pamodi ki no é tao izijenti? talves falta di auto konhesimento i amor proprio?

Podi ser um poku di kada

Djam kustuma obi ta fladu: Grandi dilema di mudjer é sabi di verdadi o ki el kre,pamodi si el kre el ta atxa!

Ntom mpensa: Podi até ki txeu alguem bem kritikam,mas pensa ko mi: Será ki di verdadi nsta erradu? Ka no bem poi kulpa na otu alguem, si kuzas kasta bai dreto no tem grandi responsablidadi nel, ka no bem ko kel diskursu ki no kre vivi amor si na verdadi no ta atrai alguem problematiko,instavel i ki ka kre kompromiso...Si keli kontisi um bes o otu kata fazi mal,Di azar na amor ninguem kata fugi,mas si padrom kontinua midjor no torna odja nos konseitos.

No ta atxa o ki na verdadi no ta buska, si no atxa alguem o amor ki ta trazenu só infilisidadi,angustia i ansiedadi,midjor é no odja pa dento di nos i volta pensa kem ki no é, i kuze ki no kré.

Ami nka psikologa nem dona di verdadi mas ngosta di skrebi o ki nha kuraçom ta flam.

Nsabi ma ninguem ka gosta di aseita ses kulpas muto menos aseita mel skodji mal.

Po isso nsta li ta da nha rostu bafatada

Antis di no poi kulpa di nos vida na alguem,na distino,na algum karma ou lugar fora di nós no pensa dreto

No ta atxa fora o ki ta vive dentu di nós.