Outro 2x1 - Beyonce 1+1 and Leona Lewis/avicii-collide

TEM MUSIKA KI KA MESTI KOMENTA APENAS XINTIL

How To Love By Lil Wayne and Megan Nicole (2x1)

POEMA : TORMENTU DI NHA ALMA

NSTA SKREBI ES MORNA
DISTINU DI UM MARTIR
SEMPRI KI BO OBI TXORU DI UM GUITARRA


ÓH NHA GUENTI,NHOS OBI NHA DIZISPERU
TRISTEZA KI DJA DOMINAM
É KULPA KIM STA PAGA


NTA SAI NA RUA TA DJATA,MAS NINGUEM KATA OBIM
SUBI RIBA RAGAS DI NHA NITA PA NINAM
MAS É DOR KI STA KABA KO MI


AMI NA PONTA PRETA TA BUSKA NHA DISTINU
LAGRIMAS DI SEU TA MATA NHA SEDI
BENTU TA GUIAM PA NHA KASA


NOSSA SENHORA DA LUZ LUMINAM NHA KAMINHO
DEUS DJA SKESI DES PEKADORA
GOSI NSTA LI TA PAGA PEKADUS DI MUNDU


XINTI ES RABEKA KI STA BEM DI MI
KADA MELODIA TA SAI DI NHA DOR
NHAS DJANTUS DENTU DES REFROM


XINTADU NA ROTXA TA SPERA NHA PISKADOR
DAM KEL BEJU PA NINA NHA ALMA
ALIVIAM NHA SER KO BO AMOR

POEMA : DOR DI KRETXEU

NKRIA UM NOVELA I BO ERA KEL ATOR
KEL STORIA MAS BONITO KI BO PODI IMAGINA
SIMA UM MUSIKA KO MELODIA PA KALMA KURAÇOM


MAS TUDO ERA UM SONHU KI BIRA PIZADELU
KEL BARKO KIM POI NA MAR ERA DI PAPEL
EL KABA PA FUNDIA DJUNTO KO MI


NSTA FOGA NA NHAS LAGRIMAS KI NEM ANJU KA PODI DJUDAM
ES DOR NEM UM MONTANHA KA PODI KOL
NTENTA DI TUDO MANERA MAS BO KA DAM XANSI


INVERNO TENI NHA DOR,OTONU NHAS PENAS
NA VEROM ALGUM TXORU SKESEDU NA MAR I NHA ITERNO ALEGRIA FIKA KO PRIMAVERA


KEL KARTA TA FIKA NA LEMBRANÇA MA DESDI SEMPRI NTINHA BO KU MI
POLU OPOSTU TA KABA PA ATRAI?NAO SEI,AGORA TENHO AS MINHAS DUVIDAS
RASIONAL KO IMPULSIVA,ALGU KI KA PODIA,I UM DIA TUDO TA PASA

POEMA : AMOR KI DÁ MEDO

PREOKUPAÇOM ENTRA NA MI KANTO BO TXOMAM DI KRETXEU
STRANHOS SENTIMENTOS DESDI KEL NOTI KI NO ENTREGA SEM TOKA
KA FOI UM FUZOM DI KORPU MAS SIM DI ALMA


MPERDI NHA SER NA BÓ KIM PERDI KONTROL DI SITIAÇOM
KUSTUMADU KO ESTRATEGIAS,REGRAS I ARMADURAS PA NINGUEM KA MAGUAM I DIVAGAR BO DIZARMAM


PÁNIKU TXIGA NA MI KI PREFIRI PÁRA PA LI
NKA KOBARDI,APENAS UM REALISTA
KADA VEZ KIM XINTI MAS PERTU DI BÓ MAS LONGI NTA STABA


SABENDO MA KADA DIA NTA KREU MAS I É TORTURA KA PODI TOKAU
DISKULPAM SIM STA BEM FAZEU MAL,MAS NKRE PROTEGEU


ÓH PANTXOLA DIMEU,KA BO ODIAM
ANTIS DIM BEIJAU DJAM PERDEU
SÓ NTA PIDI DEUS KI DIA KIM ODJAU KA SER TARDI DIMAS
KI KEL LUMI INDA STA LA GUARDADU TA SPERAM

POEMA : PRIMERO AMOR

Primeru amor no kata skesi

É moda sikatris ki ta dura vida interu

Él ta fika sempri na nos menti

Mpergunta nha kuraçom si um dia nta skeseba nha primeru amor

Ta ri el respondi:

Ka bo sunha ko impossivel kretxeu

Amores ntive

Amores nta tem

Mas abó nunka nkata skesi

Nunka ka bo fla Adeus

É palavra muto triste

Dos alguem ki ta ama kata dispidi

Pasa tempo

Pasa anus

Mas di bo nunka nkesi

Um rosa ta seka

Um kastero ta romba

Rotxa ta bira areia

Tempo ta pasa i vida ta sigui

Mas sempri nta teneu koladu na mi

POEMA : DIZEJO

Primero nkata dizejaba Pamodi tudo era perfeito e nka mesteba mas nada Pamodi tudo ta rezultaba ko tempo

E nkumesa primero ta dizeja kasa ko bó Tem um kasa,3 fidjos,um gato,e ki tudo noti ultimo kim ta xintiba era bo mó na nha peto

Depos mpidi dios pa bo amam Pamodi nta xintiba ma bo era homi de nha vida e poku a poku nsta perdeba bo Um gesto um olhar é kuza simplis ki ta demostra txeu

Kanto kim odja ma era imposivel Mpidi pa bo krem nem ke um poko Pa bo mostram nem ke um kuzinha ma bo krem

Depos mpidi só pa bo xinti ganas de odjam E pa bo xinti korpo ta arepiau de alegria

Depos nroga pes trau de nha cabeça e de kurasom Mas raiz é forte e profundo e si el ka seka el kata sai

E gosi nsta kansado de txora E nsabi ma ninguem kasta devolvem nhas lagrimas Dja nkata pidi mas nada a Deus pamodi ta parse mam fazi algum kuza tao grave ki el kasta obim

Gosi nta pidi a.... na verdade nka sabia a kem kim sta pidi mas nsabi kuze kim kre
Ki um bala perdido dam um bejo e pa ninguem ka txoram

By: Triyana

PENSAMENTOS : Nos kuraçom sta preparadu pa obi sertus verdadis?????

Fala é fasil horas ki bo teni palavras na menti ki ta spresa nos opiniom

Difisil é spresa ko gestus i atitudis o ki realmenti no kre fla

Fasil é fasi kompanhia a alguem i flal o ki el kre obi

Difisil é ser amigo pa tudo hora i fra verdadi horas ki mesti

Fasil é konsedja um situasom ki kasta pasa ko bo

Difisil é vivel i sabi o ki bo debi fazi e tem koragi pa fazel

fasil é mostra raiva  i impotensia horas ki algum kuza sta nervau

Difisil é spresa bo amor a alguem ki rialmenti konxeu,ta respetau i ntendeu

Fasil é odja o ki no kre odja

Difisil é sabi ki no iluziona ko algu ki no pensa ma no odja i admiti ma dja no dexa di odjal

Fasil é fla "oi" ou "tudo dreto?"

Difisil é fla "adeus" inda mas horas ki no é kulpadu

Fasil é abraça,da mó ou beija ko odjo fitxadu 

Difisil é xinti energia kes ta trasmitiu,kel ki ta domina bo korpu moda eletrisidadi

Fasil é kre ser amadu

Difisil é ama di verdadi sem tem medu a vivi sem tem medu di manham

Fasil é fla reglas

Difisil é kumpril

Fasil é pergunta o ki no kre sabi

Difisil é sta preparadu pa obi resposta ou tenta entendi resposta

AMIZADI

DEUS KRIA AMIZADI  PAMODI EL SABIA MA HORAS KI AMOR MAXUKA EL TA KURA

MUSICA MARCIA UNICA

NKRE SER BO UNIKA

REVOLUSOM THUG SES REALIDADI

TRISTE DI ODJA

RAPAZ 100 JUIZ CV DI HOJI EM DIA

KEL MUSIKA LI TA REFLETI NOS REALIDADI NA CV

PENSAMENTOS : SPERA PA UM PRINSEPE OU KONSTRUI BO REINO?

ALGUM BES NHOS PARA TA PENSA:

I SI PRINSEPE AZUL KA PARSEBA PEL DA BRANKA DE NEVE KEL BEIJO PEL KORDAL?

POIS AMI MPENSAL, I KUZE KI TA PASABA?

SERÁ KI EL TA KONTINUABA ETERNAMENTI TA DURMI OU EL TA KORDABA,BUSKA UM BOM TRABADJO,TEM UM KASA BEM BONITO,BAI DI VIAGEM KO AMIGOS,TEM UM BOM KARRO I FAZI INSEMINAÇOM ARTEFISIL I SKESI DI HOMIS?

HEHEHEHEHEHEHEHEHEHE,KELI É UM DI KES KUZAS KI NUNKA NO KATA SABI,MAS I BO?KUZE BO TA FAZEBA?SPERA PA BO PRINSEPE OU KONSTRUI BO PROPRIO REINO?

Chico Buarque ...Boa musica

POEMA : BO (C)KOSTA

Bu kosta é nha diskansu...nha susegu

Nha kalma dipos di ama

Bo kosta é refugio undi kim ta txiga...

Na momento ki nha angustia ta maguam

Nkre poi nha petu na bo kosta

Dosi prazer na luxuria

Spumanti momentu di amor...

Ki ta dizinkadena na um paixom kompletu

Bo kosta é fabrika di nha poesia

Na nhas notis kim ta pasa kordadu

Bo kosta tem fim di kada dia

É kel beijo i sonhu kansadu

Vontadi kata kansam

Um horizonti absorvidu na fantazias

Dizejos di pouza nha peto na bo kosta

Nta perdi nha xintido mas nkata ignora bo falta

Si mó di distino é duro
Bo kosta é alto na lugar kim ta inklina
Txiga Deus ko nha pedidu,bo ombro é nha koragi
Pam tem kel ritmo di sta ko nha petu na bo kosta


By : Triyana

SURREALISTA : PILOTO KO AEROMOÇA NA KABINA DI AVIOM DADU FLAGRA

Pilotu i Aeromoça dispididu di kompanhia Cathay Pacific pamodi sai na notisia i internet fotus sexual na kabini di aviom.

Dja tinha um semana ki Cathay Pacific kompanhia di Hong Kong kumesa um investigaçom pa sklaresi fotus ki ta mostraba sexo oral na kabini di um di ses aviom i ki sta sirkulaba entre tripulaçom

Si ki homi ta pegadu...hehehehe, ali na espanha kela ta txomadu "El club de los 30.000pies"

SURREALISTA MESMOOOO!!!!!!

POEMA : ENIGMA

Bo é um enigma ki katem clave

Bo ta distingui entri tudo homis

Ninguem ka sabi si bo sta ama ou odia

Riba di bo peto tem ki skrevedo “quem sabe!”

Bo tem algu de delfim i algu di lobu

Um dia bo ta beija i otu bo ta magua

¿kal ke bo ambiçom?

?kuze bo sta spera?

¿kuze bo ta prefiri?

É txeu misterio ki na razom kata entra

Nta kria skeseu,mas...nkata podi

Nta kria odiau,mas...kuraçom kata dexa

Bo é um enigma real kim kata kre toka

Bo é kel kim kre ama dentu di nha odio

Bo ta dam vida i ao mesmo tempo bo tram nha ultimo alento.

By:Triyana.

UM KARTA

Nsta skreveu es karta pamodi nkata atrevi na djobeu nem txiga perto di bo.
Ntom modi kim ta flau o kim ta xinti?sempri bo foi espesial pa mi,desdi minino.
Bo ta entendeba mi i ami a bo,mesmo sem fala. Mas vida é stranho i el ta sigui se kaminho i alves é ka sima no tinha planeado.
Nsabi mam perde txeu tempo sem flau nada,ma era pa kobardia pamodi nka staba preparada pa um nao.
Mas tudo kela dja kaba,nkre pasa resto di nha vida ko bó si bo kre.


By Triyana to you...K.C.S

Frank Ocean - We All Try

POEMA : SOLIDOM KU MORTI

Boski é nha distinu i solidom nha kaminhu

Pensamentu na bó, rekordaçom sunhadu ko pasadu

Nsta sufoka

Nsta morri

Nsta kaba

Nha izistensia na um sopru pagadu

Repudiada di petu ko grandi krueldadi

Afastada di vida sem dam um xansi

Djam ka sabi anda e nhas odjos sta txobi i ninguem ka podi kalmal

Tormentas sem kontrol na mar di nha kuraçom

Txorus i lamentos sem sabi a kem pidi perdom

Entri mar, ta kruza rio, ta buska skesi di tudo lembrança

Ta txora sem ramedi pa kel pasadu perdido ko medo di futuro sukuro sem brilho

Nkata atxa o kim sta buska, nkata enkontra distino,nunka ntive amor kim dizeja

Tudo kim ta pidi é um distino bonito ko karinhu

Ama i ser amadu ,kre pam kredu tambe

Luz buskadu

Luz dizejadu

Luz sunhadu

Tantu nta spera, tantu ta dura

Solitaria,abandonada é si kim ta xinti

Sem amor sem karinho

Tantu kim kre

Tantu kim buska

Ki na final pasa frenti nha odju i nka odja

Forti tristeza

Forti amargura

Mperdi tudo

Nfadja na tudo

Mi é i nta ser farelu du kim foi

Assim nsta xinti

Assim nta fika

Infeliz,torturada na es mundo ki tantu disgraça dja dam

Sperança

?Kela é kuzé?

Di tantu tenel djam skesel

?Tem alguem nes mundo ki podi divolvem tudo kim kre?

Nta sufri i nta sufri sem soluçom

Nta txora nta txora sem kompaxom

Lagrimas ki ta intxi um braku di skesimentu

Lagrimas ki ta bem pa um amor perdedu

Tantu é nha dizeju ki djam fika loka

Lokura i amor

Diferentis palavras ki ta mata

Lokura; paxom

Amor;diziluzom

Sperança;razom

Solidom;abandono

Perdedu;skesedu

Humilhada;atormentada

Si kim sta, si kim sta xinti

Ta buska ko lokura um kaminho sem final

Ta spera impasienti pa morti bem buskam

Ki tudu kel martirio li tem um final bunito pa nha sufrimentu kaba

Lagrimas di sufrimento, nha alma dja kumesa ta flora

Nha paxenxa dja rabenta

Na nhas veias sangui kasta korri mas

Kuraçom kasta bati mas

Nkateni mas força

Nkateni mas vontadi

Tudo nhas sonhus dja perdi

Nha menti kasta pensa i nha korpu kasta respondi

Kuze ki morti sta spera pa bem buskam?

Nta txora kaladu ta sufri a kada andar

Na nha vida malditu apenas tem solidom

Na es mundo dja nkatem liberdadi i sperança di vivi poku a poku sta kaba

Tantu nsunha ma ta pasaba

Tantu bes ndizejal

Dja txiga kel dia, tudo tem um fim

Morti dja bem buskam,el sta lebam pa abismo,pa sukuru

Nkateni mas medu,nkata sufri mas,tudo mal ta bem kaba

Nhos ta txora pa nha morti

Nhos ta reza pa nha alma

Es ta krita Dios, pamodi?

Ka nhos sufri,gosi nsta em paz

Nha korpu dja libra des mundo kruel

Agonia profundu di nha kuraçom paradu

Nta dexa nhos nha alegria i nta leba nha tormentu

Kuze ke vida?

Um kaláda di noti?

Um triti noti?

Um luz ki ta paga?

Manxi bunito?

Um simplis suspiru?

Ou um suspiru infernal?

Simplismenti nka sabi

Strelas ta dexa Ceu kontenti,pexis a mar, Pasarinhu a ar

Mas ku kuze nta alegraba nha solidom?

By: Triyana

FREAKLANCES CAP 4

LUGARES: BARCELONA : Oveja Negra

É um bar di stilo ingles (vikingos) ko ambiente jovem,proprio di El Raval na Barcelona...di mesas grandi, ideal pa grupos.


Tem zona di fumadoris i nao fumadoris, i ko parte pa jogus tambe (Bilhar i matrakilo)


Normalmenti bebidas strela di la é Cerveja e Sangria (midjor sangria di tudo Barcelona) i bo podi pidil na jaru ou na torre de uns 3 litro, Hehehehehehe di pika pika tem Pipokas,es ta teni la  souvenirs (camisas,mungs,jarras,etc...) Uniko é ki bo tem ki sabi manera ki bo ta txiga pamodi bo podi perdi na kes bekus.

Djam leba la txeu grandis amigos i tudo es kaba pa adora es bar i nta konsedja tudo alguem ki bai Barcelona pa pasa pala.
La oveja Negra
C/ Sitges, 5  Barcelona

Una minina di 10 ano diskubri um fadju na jogu pa iOS i Android

Ngana um dispositivo informatiko dja kata entendi di idadi.

Um "Hacker" di apenas 10 ano di nomi CyFi atxa um pontu fraku na um video jogu pa telemovel,el konsigui ki tempo pasa mas rapido na jogu pa iOS i Android

El fla ma ta duraba tempo dimas pa kes produtu ki el tinha na orta kria,el ka gostaba horas ki el simia midjo mel tinha ki speraba mas de 10 horas di tempo real pel podi bai kodji, ntom el diskoneta Wi-Fi di dispositivo i muda hora de relogio pa ngana kel jogu

Hahahahahahahaha....Bem bom mesmo

MY LIFE´S JUST LIKE A MOVIE

MY LIFE´S JUST LIKE A MOVIE
ALL THESE THINGS THAT HAPPEN TO ME (LIKE A MOVIE YALL)
SEE THEY MAKE ME STRONG
NO MATTER WHAT DO
I´M UNBREAKABLE
GOTTA LIVE MY LIFE

FREAKLANCES CAP 3

Reportagem no aeroporto "apanha" pedido de casamento em direto

John Mullin, acabado de aterrar no aeroporto internacional de Kansas, só tinha planeado o clássico pedido de casamento de joelhos, mal chegasse. E nem reparou que, a poucos metros, Brenda Washington fazia um direto para a KMBC sobre a alimentação saudável dos viajantes.

Nas imagens só se vê o jovem a procurar o anel e a pôr-se de joelhos, porque a emissão segue com uma peça gravada, mas, alertada pelo operador de câmara, a repórter interrompeu a reportagem para falar com os recém-noivos.


AMOR É TITI AMOR É TITI AMOR É LOVE

Ler mais: http://aeiou.visao.pt/reportagem-no-aeroporto-apanha-pedido-de-casamento-em-direto=f616861#ixzz1USPFZ59D

POEMA: TRANSTORNU

Diferenti pensamentu kruzam

E el kruzam na momento di skrebi

Mpodia fla txeu kuzas,mpodia kala otus

Fala di melankolia,di tristeza

Mpodi fala di alegria,di felisidadi

Diferentis pensamentos kruzam na kabeça

Igual sima agu ta kori na rubera

Igual ki txeia ta txiga se distino

E é kel lugar ki apenas nkre txiga

É kel lugar kim propoi diskubri

Sima um kaçador di sonho

Nkre txiga kel lugar ki ta ser dimeu

É tristeza ka xintil di kel manera

Diferentis pensamentos kruzam na kabeça

E tudo es finalmenti txiga a mesmo lugar

Talves pamodi djam teni kuzas mas claro

E gosi,kuzé ki sta falta?

Parsem ma kel lugar nka podi txiga mi só

É um lugar undi ki txeia ta morri

Horas ki na bo peito mpodi diskansa trankilo pamodi djam atxau

La na porta undi ki txeia ta diskansa

La na porta undi ki tudo é felisidadi

Nta ri pamodi sempri bo staba la

By: Triyana

Inspiradu na SOL

POEMA :TRISTE

Nsta ko sodade di nos amor

De kel nos amor sem odja

Alves bo é gelo i otu ves lumi

E hoji nsta sima txuba

Ta txora na ladera ta fazi um kaxuera

Ta dixe sem rumo nem diresom

Ami nka palavra nem poema

Apenas irma mas grande di tristeza

Nta txora so di madrugada,depos di um noti sem durmi

Se bos odjos kasta reflite mas nos amor

E sodade ta seguim undi kim bai

Apenas tem klaro mam luta pa nos relasom

Bo prova sabor di nha sentimento,mas ami nkreu sem dor

Alves mi era lumi i otu ves um sinza

Flam ki sim,frova sabor de nha amor kola na mi e flam sim

By: Triyana

P.S  Kata adianta nada tra bo numero de nha movel si inda bo sta na nha kuraçom

FREAKLANCES CAP 2

POEMA : AMOR AMANTI

Amor di amantis julgado pamodi el é proibido

Kel ki ta bati na um instanti,ki ta vive di um suspiro

Amor ki ta dizafia vida pamodi el katem um distino

Kel ki na silensio ta xinti sodadi bó pamodi bo kasta li

Amor ki ta korri na sangui, ki ta vibra só di odjau

Bos odjos kata nganam, é bos labios ki ta mintim

Amor ki ta disfazi presente i ki ta konsumi futuro

Ki ta vivi pamodi el ta amau i ta morri pamodi el ta xintiu

Si vida ta dam apenas 2 segundo di bos bejos,apenas um kurtu tempo di distino

Ko apenas um olhar kumplise di alma,pa uni nos korpo na es furakom proibido

Korpus ki sem kulpa ta xinti livre,sem kulpa nta xintiu dimeu...

Sentimento ki nasi horas ko sta na nha lado,ki ta vive horas kim fundi ko bo

Perduam pa hoji nha dosi amanti, Ndebi anda na es mundo a mar aberto

Longi di bo vida,longi di bos bejos, Apenas pa amau y morri na dizejo

Prometem nha fiel amanti ki bo ta lebam em segredo

Ma bo ta xintim na bo peli na bo sangui

Man ta kontinua viva na bo korpo

Apenas na distansia nta tenta skeseu,pamodi nkateneu kompletu

Pamodi nkata aseita kompartiu,pamodi nta dizejau kada momento

Mas ka bo akredita na es mentira,pamodi el ta fingi na poko tempo...

Pamodi bo sabi mam ta lebau na nha kuraçom i alma,fundido na nha korpu

By: triyana