Bu ka vivi na nha bariga
Mas bu entra na nha alma
Bu ka e plasmadu na nha sangui
Mas bu ta alimenta di nhas sonhus
Ku surizu mansu bu ganha nha kalor
Siumentu sima kel ki sai dentul mi
Mimentu sima kin ta dau nha petu
Bu ka nha fidju di sangui mas bu e di kurason
Sima horas kin obi gritu di dimeu nta xinti mesmu angustia ku dibo
Padas di bu pai i kurason interu dimeu
Bu ka nasi di mi, mas bu sta kompartidu ku mi
Nha kodezinhu, nha bebe, nha kurason tambe e dibo
NHA FIDJU JERADU NA KURASON
