POEMA : TENTASON

Mirajen o sonhu...

Nfantazia dimas...
Prinsipi nkantadu...Anju - Homi - Mininu...
Sima un ladron bu furta nha kurason...

Alma jemiu, n´atxau por akazu
Na un vida paralelu, na distinu trasadu
Sima nbuskau, sen sabi ma bu ta izistiba
Atxau...manera kin ta podeba?

N´inventa mil distinu...
N´odja lua ta nasi...
Njura pa iternidadi
Nunka skeseu...

Noti altu i friu kantu ki el ben pami
Djan konxeba el, mas ka des manera
Xeiu di dizejus kantu kin odjal na nhas sonhus

Ta parseba mel kreba mi na se brasu
Dan intendi mel ta odjaba atraves di mi
Disnudan i le tentason ki nha korpu

Ken ke es ser ki ta provokan es reason interior?
Ondas en movimentu ki ta provoka sentimentus ki razon kata kontrola
Sangui ta bombia, ta arepia, puru adrenalina
Ki ta reaji a un simplis toki

Peli ku peli, olhar ku mensagen
Razon nes momentu ta perdi terenu
Na un lamentu konsienti di frakeza
Pamodi apenas kurason ta domina teritoriu

BY : TRIYANA

POEMA : SEN SABI PAMODI

Nkata amau moda un Dosi di Sal, Kristal Ioniku
Ou Pitroli ki ta propaga lumi
Nta amau sima nta ama tudu kel ke sukuru
Sukundidu entri alma i sombra

Nta amau moda un Planta ki kata da Flor
Mas dentu del ten kel luz sukundidu di kes flor
Bu amor ta vivi sukundidu na nha korpu
Kel txeru di kel flor ki ka nasi

Nta amau sen sabi pamodi, na undi ou di ki manera
Nta amau diretamenti sen problemas ki fari orgulhu
Simplismenti nta amau asin pamodi nka sabi fazel di otu manera

Mbriga ku mundu, ntenta ngana mi mesmu, nfuji di asuntu
Mas foi sima sombra, nxinta el pegan
Ka bu perguntan, pamodi resposta nen mi nkateni
Uniku kin sabi e kin ta xinti bu falta