Un praga txiga terra ku peli di anju
Es ta transforma nos kruel vida na un morti
Skravizanu ate na interu di nos alma
Ku se luz dislumbranti es ta seganu
Fazi di nos pobri kurason pior ki un zombi
Stermina kel poku speransa
E un mal negru
E un paz sinzentu
E un lutu sukuru
Nha insignifikanti ser distrosadu
Mentiras, promesas di un anju
Anju di aza negro
Ser kruel
Ser malefiku
Un anju NEGRU
BY : TRIYANA
MI...
Tentadora moda un masan
Atraenti moda luz
Dosi moda mel
Delikada moda nuvens
Oferesida moda un promesa
Akolhedora moda hogar
Mimoza moda un gata
Profunda moda mar
Misterioza moda noti
Romantika moda poesia
BO...
Kenti moda veron
Sensivel moda peli
Brinkalhon moda un mininu
Ku speriensia moda pasadu
Stimulanti moda vinhu
Atrevidu moda abismu
Ternu moda un mai
Apaixonadu moda un vulkon
Kompasenti moda terra
Amanti moda un sombra
Eternu moda un paraizu
MI KU BO e un matimatika
Perfeitamenti kalkuladu
Ki rezultadu e NOS
BY: TRYANA
Nu era dos solitariu
Nu ta vagaba na mundu
Sen rumu nen direson
Signifikadu di felisidadi
Traduson di amor
Nu tinha ki baba na un romansi pa intui
Dos alma vagabundu
Sorti botadu pa azar
Distinu ki nen Deus ka sabia
Entri 8 i 80 nu kontra
Entri noti i jogu
Txiga kel dia ki ultimu bola entra
Ka era tabela
Nen sorti di un azaradu
Apenas 2 alma ki kontra
Di mansinhu mas pertu nu fika
Sen sabi pamodi
Kel palavra kumesa ta ten sigifikadu i traduson
....AMOR....
BY : TRIYANA
Si bu beijan nta garantiu
Bu ta morri di kurason
Ami nta preferiu vivu
Nton, midjor ko beijan
Ta fika sima un segredu
O ki beiju revela
Si bu konta, akredita
Nunka mas nkata beijau
Enquantu nkre konta
Konta nhos un segredinhu
Kantu ki el beijan
Nfika xeiu di borboletas
Sempri primeru beju ki ta kauza mas emoson
Ta fika koladu na boka, alma i kurason
Mas kada bes ki bu beijan e igual ki primeru
Horas kin xinti sodadi
Kata adianta bu beijan
Bu ta beija i bai bu kaminhu?
Sodadi kata pasa
Midjor beju ki ta izisti
E beju proibidu
Nhos podi ten serteza
Ka e beju di bu maridu
Mininu horas kel ta beija
E igual ki un anju ta beija
Nu ta odja strelinhas
Na ses odjus ta brila
Bejudi mai e sublimi
Si nu maxuka
Basta un beju di amor
Pa nos " dodoi" pasa
Pufff, dja sta bon di beijus hoji
Nsta bai Mar, te mas logu
...Bai atxan la..Tudu podi kontisi
Feliz dia di beiju
Sempri nu ta sta ta reklama pa tudu kuza ki pasanu na vida di mal, mas si nu djobel dretu ki nu analiza nos vida la na fundu nu ta odja ma talvez 80% di eru nos mesmu ki kometi
Sempri nu ta kaba pa ten sinal di tudu mas nu ta prefiri ignoral, talvez pa ignoransia,orgulhu, inseguransa ou talvez medu
Nu gosta di tudu kel ke fasil, nu gosta di komodismu, nu ka gosta di muda nos rotina mesmu ki el ta fazenu mal, mesmu ki el ta reduzinu a nos insignifikansia.
Nkasta ser kruel, pensa ku mi...Bu ta ten un trabadju mas di un forma ou di otu nu kasta dadu devidu valor, mas nu ka e kapas di bati mo na meza i fla BASTAAAA, muda situason ( poi bu pontu di vista i si bu ignoradu manda tudu pa MER** )...Bu ta sta na un relason i kuzas kasta bai nada dretu, nu kasta feliz, mas nu ten tantu medu di o ki e novu ki nu ta prefiri fika la ta aguenta, ta ignora so pa katen ki fla A LA MIERDA TODO.
Ta parsi un alguen interesanti na nos vida ki sta tenta djudanu, danu nos valor, nos lugar, fazi nos vida vibra dinovu, volta ten kor, ama i xinti amadu...mas... nu ta prefiri sigui na kel vida monotono, friu, sen vida sen kor so pamodi medu di un palavra... MEDU, medu a kel ke ka konxedu, kel ke novu.
Nton dipos ki bu perdi kel grandi oportunidadi a un trabadju midjor ou un AMOR, nu ta kai kada ves mas na nos tristeza, nu ta kai na fundu, kada ves mas fundu, nu ta apaga, nu ta kumesa ta dexa di ten kor, fika sinzentu i dipos invizivel, totalmenti INSIGNIFIKANTI, i la na sombra nu ta fika ta imagina manera ki podia ser...
Manera ki podia ser?????? Fika na bu sombra i fika ta imagina, ou nton da ku mo na meza i fazi algun kuza....PORRA.
